patjhar ke patte, aaj phir se toot gaye,
muskurate hue sapnon mein woh phir se kho gaye...
toote hue patte wahi purani kahani gungunate hain,
mujhko tumhare hone ka ehsas dilate hain.
naye ritu ka paigam aaya hai,
jaane aaj kyun meri juban pe phir se tera naam aaya hai;
nadan dil yeh janta hai ki tu meri soch mein muskati hogi,
toote patton ko dekh khud pe ithlati hogi.
karte hain patte kisi hawa ka intezaar,
sayad koi inhe le jaye is dhara se paar;
naye patte us dal pe phir se aayenge.
par kya un patton ka dard woh le ja payenge.
varsha ki boodon se woh dal phir bheeng jati hai,
par kya woh pani un yaadon ko mita pati hai ???
